LA MATANZA

Aquella tarde, si alguien pasaba por el Altozanillo, no jacía falta pasar al rente de la casa del tío Luis y la tía Isabel pa saber  qu´al día siguiente tendrían día de matanceo, y era asina, porque ya de lejus, jedía a cebolla, a ajo…

Con el lisque tempranero, agilaba tío José a patacajones en su burra dispuestu á carpantear sus tierras posias. Tó los días se encaminaba por las bocacalles d'ajuera, asina evitaba racear las que estaban a tentebonete, dicía qu'a la burra la lucía cagarse en tó lo recién barrío y aluego, él se las tenía que ver con rabúas mujeres con grandes caldeos, enforruscás al guipar sus puertas emporcás con rechiflantes cagajones.

Pero la necesiá le jizo recular…